السلام عليكم ورحمه الله وبركاته
اهلا بيكو ولقاء جديد من لقاءات جروب جدد حياتك
هنتكلم النهارده عن انواع الأنفس البشريه
اللى كان المفترض اننا نتكلم عليها امبارح بس النت كان وحش
بصوا يا جماعه
انواع الانفس فى القرآن ثلاثه
اعلاهم درجه النفس المطمئنه
وادناهم النفس الاماره بالسوء
واوسطهم النفس اللوامه
ايه هما وازاى تعرفهم وموش هقول كلام انشا مكلكع
انا هعرفهم بالبلدى كده وبساطه
النفس الاولى هى النفس الاماره بالسوء
وهى التى بتزوقنا على المعصيه
او بمعنى اخر بتزين المعصيه فى عنينا
وهيا اللى زكرتها امرأه العزيز فى صوره يوسف
بسم الله الرحمن الرحيم
(وما ابرأ نفسى ان النفس لاماره بالسوء ) صدق الله العظيم
وسميت اماره دليل على كثره اوامرها للانسان بعمل السيئات
النفس الثانيه هى النفس اللوامه
والتى ذكرت فى سوره القيامه
وحلف بيها الله عز وجل
بسم الله الرحمن الرحيم
(لا اقسم بيوم القيامه ولا اقسم بالنفس االوامه ) صدق الله العظيم
وهيا اللى احنا بنسميها بالبلدى كده الضمير
هى اللى ديما بتلومنا على اخطاءنا وبتشجعنا على التوبه
وممكن كمان تحثنا على عمل الصالحات
واللى ربنا بيحبه بجد يخلي النفس دى عنده نشطه جدا
بتحس فيها كإن واحد عايش معاك عمال يقولك ده غلط
انت ليه عملت كده
وهكذا
النوع الثالث وهى النفس المطمئنه
وهى التى زكرت فى القران
واتنادت باسمها لعظم شرفها عند الله
بسم الله الرحمن الرحيم
(يا ايتها النفس المطمئنه ) صدق الله العظيم
يايها النفس المطمئنه
وهى اعلى شأن
وصاحبها يحشر مع الانبياء والمرسلين باذن الله
بس انا بقى ليا تدرج خاص فى موضوع الأنفس البشريه دى
ايه هو
انا بعتبر ان خط الوسط للانسان هو النفس اللوامه وفوقيه بتكون النفس المطمئنه و تحتيه بتكون النفس الاماره بالسوء
وكل ما الانسان اتجه باعمال للافضل كانه بيتجه لاعلى تجاه النفس المطمئنه
وكلما هبط باعماله للاسفل اتجه اتجاه النفس الاماره بالسوء
عايزه اقول حاجه كمان
احنا اغلبيتنا عندنا النفس اللوامه ولكن ده ميمنعش اننا ممكن نوصل للنفس المطمئنه عن طريق تنشيط النفس اللوامه وكثره الاستغفار والطاعات واليقين بالله بس كمان ممكن نوصل للنفس الاماره بالسوء لو اتصبنا بآفه الغرور والحسد وكره الناس
يعنى كأنك مربوط بحبل واعمالك الحسنه بتشدك تجاه النفس المطمئنه واعمالك السيئه بتشدك تجاه النفس الامآره بالسوء
وانت عليك حاجه من اتنين اما انك تتجه بأعالك تجاه النفس المطمئنه اما انك على الاقل تحفظ توازنك وتفضل فى منظقه الامان اللى هى النفس اللوامه
واخيرا اتمنى ليكو نفس لوامه نشطه ونفس اماره واخده مخدر
فى امان الله
(هبه عقباوى)
